martes, 30 de noviembre de 2021

Xornadas pola igualdade no IES María Soliño

 Hoxe Priscila Retamozo do Comando Igualdade estará no IES María Soliño coa actividade "Hackeando ao machismo a golpe de memes, directs e likes"

Actividade levada a cabo dentro da axuda recibida para a promoción da igualdade entre homes e mulleres e a prevención e loita contra a violencia cara as mulleres.




domingo, 14 de noviembre de 2021

Xornadas pola igualdade. Igualdade nos Videoxogos

Dentro destas xornadas ofertamos dúas charlas relacionadas coa igualdade neste mundo que tanto cautiva as nosas crianzas: "O videoxogo". 


Este é o enlace para facer a inscripción 👇


https://docs.google.com/forms/d/e/1FAIpQLSdqcg5W2UDQzpXRC4HkSNeaZ5oeuOUHsWkqJiVdZnJY_Fap0w/viewform?fbclid=IwAR1YEkj-v_Pmhr00rEVEUlP6nReHb1MvgbF9ngCknE86MOLz9-myqGlW7nc


Actividade levada a cabo dentro da axuda recibida para a promoción da igualdade entre homes e mulleres e a prevención e loita contra a violencia cara as mulleres.




martes, 9 de noviembre de 2021

Xornadas pola igualdade. Coñecendo mulleres que marcaron historia.

Aquí tedes as actividades que imos levar a cabo neste mes de novembro para a cativada e familias. A primeira desta fin de semana é un Contacontos e  continuaremos con varios talleres creativos da man de Estudio IA


Este é o enlace para facer a inscripción 👇


https://docs.google.com/forms/d/e/1FAIpQLSfnMXsfUgloBkYA2SnI40gxVAzUO_aFNcgIZ5hstesaOpQXbQ/viewform


Actividade levada a cabo dentro da axuda recibida para a promoción da igualdade entre homes e mulleres e a prevención e loita contra a violencia cara as mulleres.



lunes, 8 de noviembre de 2021

Biblioteca viva. Sabes como funciona?

 

📚Sabes como funciona a Biblioteca viva?
🔵 Para ver todos os libros, videoxogos e xogos que temos dispoñibles consulta no seguinte enlace o listado 👇
🔵 Cando elixas o que queres envia un correo solicitandoo a biblioanpas.igualdade@gmail.com , as solicitudes que cheguen antes do martes entréganse na mesma semana o resto quedan para a seguinte.
🔵 O mércores unha persoa da túa ANPA fará entrega no teu centro escolar.
🔵 Os luns toca recollida do mesmo xeito que se fixo a entrega.
Actividade levada a cabo dentro da axuda recibida para a promoción da igualdade entre homes e mulleres e a prevención e loita contra a violencia cara as mulleres.

martes, 2 de noviembre de 2021

Xornadas pola Igualdade.

Dentro da axuda recibida para a promoción da igualdade entre homes e mulleres e a prevención e loita contra a violencia cara as mulleres este sábado daremos unha visión diferente do papel das mulleres da man do concerto BRAVAS de A Gramola Gominola.


domingo, 24 de octubre de 2021

Presentación inicial - Xornadas pola igualdade

 Hoxe presentamos as actividades que levaremos a cabo dentro da Axuda recibida para a promoción da igualdade entre homes e mulleres e a prevención e loita contra a violencia cara as mulleres.

Este mércores comezamos coa actividade Biblioteca viva. https://www.facebook.com/federacionanpascangas/videos/4201799029949676/

sábado, 23 de octubre de 2021

Protocolo COVID-19 Biblioteca viva. (De outubro a novembro 2021)

Dentro da axuda recibida para a promoción da igualdade entre homes e mulleres e a prevención e loita contra a violencia cara as mulleres comezamos coa actividade Biblioteca viva. Aquí deixamos o protocolo covid.

Trátase de mercar unha variedade ampla e surtida de contos, libros e xogos e videoxogos sobre temáticas de igualdade de xénero, bo trato, novos modelos de masculinidade e feminidade, os mitos do amor romántico, o uso axeitado das novas tecnoloxías, etc... rompendo así as barreiras e eliminando os estereotipos relacionados co xénero e por conseguinte loitar para prever situacións de discriminación sexista no futuro.

 

Trátase pois, de incorporar nas bibliotecas vivas, novos contidos que nos axuden a romper estas barreiras impostas e albergar espazos para todos e todas, xa que hai unha ampla variedade de literatura infantil e xuvenil, e xogos onde os seus protagonistas rompen cos roles e estereotipos de xénero.

Con estes novos contidos búscase tamén tratar valores coma o respecto, tolerancia e igualdade entre nenos e nenas, xerando encontros onde coa práctica se establezan os principios de boas relacións, e a non discriminación.

 

Búscase nestes encontros traballar a coeducación e a corresponsabilidade dende idades tempéranas e a todos os niveis educativos, que axuden a contribuír e ofrecer unha visión nova e máis acorde coa igualdade entre sexos e romper cos estereotipos existentes.

 

O proxecto levarase a cabo en dúas liñas de traballo:


• STAND PUBLICITARIOS COS NOVOS MATERIAIS  

Distribuiranse os contos segundo as idades dos centros e se fará un stand online en https://federanpasdecangas.blogspot.com/ e https://www.facebook.com/federacionanpascangas

Así como unha publicación global polos medios de comunicación que posúa cada ANPA asociada.

No stand online haberá un grupo de contos, libros, xogos e videoxogos, cos cales se lles permitirá ás familias dispor dos novos materiais mediante un servizo de préstamo.

O cal se regulará da seguinte maneira:

    O 22 de Outubro: publicación do Stand Online (o listado dos materiais será susceptible de modificacións). No caso de que o listado se modifique, se enviará ás familias a actualización do mesmo.

    Do 25 ó 27 de Outubro: inicio do préstamo.

    Para solicitar o préstamo, as familias enviarán a petición ao mail da Federación (

biblioanpas.igualdade@gmail.com ) ou a través da súa respectiva ANPA.

    Será un representante de cada ANPA asociada o/a q entregue o préstamo a familia solicitante no seu respectivo centro.

    Entre préstamo e préstamo os materiais permanecerán o mínimo de catro horas (Establecido pola Consellería de Educación) en corentena.

    A duración de cada préstamo será dunha semana aproximadamente. Sendo obrigatoria a devolución dos materiais emprestados cada luns. Un representante de cada ANPA asociada será o responsable da recollida dos materiais no seu respectivo centro.

 

• TARDE DE LECTURA. Xornadas de animación

 

Faremos tarde de lectura e talleres presenciais sempre que a situación sanitaria o permita.


Para o aceso ós contidos dixitais, se publicará nas redes socias da Federación o enlace as actividades e as ANPAS asociadas para que o compartan coas familias.