Dentro do Programa de Xornadas pola Igualdade 2025 A Gameliña realizamos este obradoiro dirixido a público infantil onde coñecemos diferentes mulleres referentes do noso Concello a través dunha actividade artística onde as crianzas aprenderon a información de maneira lúdica e manipulativa.
Tomamos como referencia inspiradora a figura de mulleres diversas da Vila de Cangas. Descubrimos e puxemos en valor aspectos que as fan únicas a través do obradoiro.
Empregamos a linguaxe do pop art, o collage e as características socioculturais da publicidade como elemento creativo de influencia fixemos unha campaña de visibilización destas mulleres utilizando formatos do mundo da publicidade como son as chapas, pegatinas e posters.
